اسلام آباد:(دنیا نیوز) این ڈی ایم اے نےبارشوں اور سیلاب سے نقصانات کی تازہ رپورٹ جاری کردی۔
این ڈی ایم اے کی رپورٹ کے مطابق 26 جون سے22 اگست تک785 افراد جاں بحق اور 1011 زخمی، خیبر پختونخوا میں469 افراد جاں بحق اور 280 زخمی ہوئے۔
اسی طرح پنجاب میں 165 افراد جاں بحق اور 584 زخمی ، سندھ میں 51 افراد جاں بحق اور 69 زخمی ، بلوچستان میں24 افراد جاں بحق اور 5 زخمی ، اسلام آباد میں 8 افراد جاں بحق اور 3 زخمی ہوئے۔
دوسری جانب رپورٹ میں مزید بتایا گیا کہ گلگت بلتستان میں45افراد جاں بحق اور 42 زخمی ،آزاد کشمیر میں 23 افراد جاں بحق اور 28 زخمی ہوئے، اب تک 4 ہزار 735 مکانات کو نقصان پہنچا، سیلاب میں 5 ہزار 450 مویشی بہہ گئے۔
