اسلام آباد: (دنیا نیوز) اسلام آباد ہائی کورٹ نے آئندہ ہفتے کے لیے ججز کا ڈیوٹی روسٹر جاری کر دیا، آئندہ ہفتے ایک ڈویژن بنچ اور سات سنگل بنچز دستیاب ہوں گے۔
روسٹر کے مطابق ڈویژن بنچ میں چیف جسٹس سرفراز ڈوگر اور جسٹس اعظم خان شامل ہوں گے جبکہ جسٹس محسن اختر کیانی، جسٹس سردار اعجاز اسحاق خان، جسٹس ارباب محمد طاہر اور جسٹس ثمن رفعت امتیاز رخصت پر ہوں گے۔
دوسری جانب جسٹس خادم حسین سومرو چھٹیاں مکمل کرنے کے بعد آئندہ ہفتے سے کیسز کی سماعت کریں گے، ججز کا ڈیوٹی روسٹر چیف جسٹس کی منظوری کے بعد رجسٹرار آفس کی جانب سے جاری کر دیا گیا۔
