پشاور: (دنیا نیوز) خیبرپختونخوا کے دارالحکومت پشاور سمیت ملک کے مختلف علاقوں میں زلزلے کے جھٹکے محسوس کیے گئے۔
زلزلہ پیماہ مرکز کے مطابق زلزلے کا مرکز ہندو کش ریجن افغانستان تھا جبکہ اس کی زیر زمین گہرائی 110 کلومیٹر تھی۔
زلزلے کے جھٹکے خیبرپختونخوا کے ضلع صوابی، سوات اور ملاکنڈ جبکہ گلگت بلتستان میں غذر کے گاہکوچ شہر اور گردونواح میں واضح طور پر محسوس کئے گئے، شہریوں میں خوف و ہراس پھیل گیا اور لوگ گھروں سے باہر نکل آئے۔
تاحال کسی قسم کے جانی یا مالی نقصان کی کوئی اطلاع موصول نہیں ہوئی، مقامی انتظامیہ اور ریسکیو ادارے صورت حال پر نظر رکھے ہوئے ہیں اور کسی بھی ہنگامی صورتحال سے نمٹنے کے لئے تیار ہیں۔
