اسلام آباد:(دنیا نیوز) سربراہ جمعیت علما اسلام ف مولانا فضل الرحمان نے کہا ہے کہ افغانستان میں زلزلے سے اموات پر دَلی دُکھ ہے۔
وفاقی دارالحکومت میں میڈیا سے گفتگو کرتے ہوئے مولانا فضل الرحمان نے افغانستان میں زلزلے سے ہونے والے نقصانات پر اظہار افسوس کیا ہے۔
انہوں نے کہا کہ اللہ کریم برادر ملک افغانستان میں زلزلے میں جاں بحق ہونے والوں کی مغفرت فرمائے اور زخمیوں کی جلد صحت یابی کے لئے دعا گو ہوں۔
مولانا فضل الرحمان نے مزید کہا کہ مشکل وقت میں افغان عوام اور امارت اسلامی سے اظہار یکجہتی کرتا ہوں، اللہ کریم انسانیت کو ہر قسم کے مصائب سے محفوظ فرمائے۔
