اسلام آباد: (دنیا نیوز) فلور ملز کی رجسٹریشن سے متعلق ایس آر او کے اجرا کا معاملہ، سپریم کورٹ نے ہائیکورٹس کا فیصلہ برقرار رکھا۔
سپریم کورٹ کے مطابق ایس آر او کے اجرا کیخلاف آرٹیکل 199 کے تحت رٹ دائر نہیں کی جاسکتی، چیف جسٹس پاکستان یحییٰ آفریدی کی سربراہی میں تین رکنی بینچ نے سماعت کی۔
عدالت نے استفسار کیا کہ سپریم کورٹ ایک فیصلے میں کہہ چکی ہے ایس آر او کو ہائیکورٹ میں رٹ اختیار سماعت کے تحت چیلنج نہیں کیا جاسکتا۔
2013 میں فلور ملز کی رجسٹریشن کیلئے ایس آر او جاری کیا گیا تھا، ایس آر او کے اجرا کیخلاف فلور ملز نے آرٹیکل 199کے تحت ہائیکورٹس سے رجو ع کیا تھا۔
ہائیکورٹس نے قرار دیا ایس آر او کورٹ میں چیلنج نہیں کیا جاسکتا، سپریم کورٹ نے بھی ہائیکورٹس کے فیصلوں کو برقرار رکھا۔
