لاہور: (دنیا نیوز) لاہور ہائیکورٹ نے سینیٹ الیکشن پولنگ بارے فیصلہ سنا دیا۔
جسٹس احمد ندیم ارشد نے اعجاز چودھری کی درخواست پر محفوظ فیصلہ سنایا، عدالت نے سینیٹ الیکشن پولنگ رکوانے کی استدعا مسترد کر دی۔
اعجاز چودھری نے سینیٹ کے انتخاب روکنے کے لیے درخواست دائر کی، بیرسٹر تیمور ملک اور رانا مدثر عمر نے اعجاز چودھری کی درخواست پر دلائل دیئے۔
درخواست میں موقف اختیار کیا گیا تھا کہ الیکشن کمیشن نے اعجاز چودھری کو 28 جولائی کو ڈی نوٹیفائی کر دیا، چیئرمین سینیٹ کی جانب سے دی نوٹیفائی کرنے کے لیے درخواست ارسال نہیں کی گئی۔
موقف اختیار کیا گیا کہ پشاور ہائیکورٹ شبلی فراز اور عمر ایوب کی درخواست پر الیکشن روکنے کا حکم دے چکی ہے، الیکشن کمیشن نے سیلابی صورتحال کے باعث ملک بھر میں ضمنی انتخابات روک دیئے ہیں۔
درخواست میں موقف اختیار کیا گیا کہ سیلابی صورتحال میں سینیٹ انتخابات کی بولنگ نہیں روکی جا رہی، درخواست میں استدعا کی گئی کہ عدالت اعجاز چودھری کی سینیٹ نشست پر انتخاب روکنے کا حکم دے۔
