اوکاڑہ: (دنیا نیوز) پنجاب کے علاقے رینالہ خورد میں مال بردار ٹرینیں ٹکرانے سے ایک شخص جاں بحق اور 2 زخمی ہو گئے۔
پنجاب کے ضلع اوکاڑہ کی تحصیل رینالہ خورد میں 2 مال بردار ٹرینیں ٹکرانے کا واقعہ پیش آیا، حادثے میں اسسٹنٹ ڈرائیور جاں بحق اور 2 افراد زخمی ہو گئے۔
حادثے میں زخمی ہونے والوں کو ابتدائی فوری طور پر طبی امداد کے لیے قریبی اسپتال منتقل کیا گیا۔
ریلوے حکام کے مطابق حادثے کے بعد اپ اور ڈاؤن ٹریک سروس بند ہو گئی تاہم بحالی کے لیے فوری طور پر کام شروع کر دیا گیا۔
