لاہور:(دنیا نیوز) ملک میں سیلابی صورتِ حال کے پیش نظر نارووال اور سیالکوٹ جانے والی تمام ٹرینوں کو بند کر دیا گیا۔
ریلوے حکام کے مطابق مسافروں کے لیے نارووال اور سیالکوٹ سٹیشن کو بھی مکمل طور پر بند کر دیا گیا،لاہور سے راولپنڈی جانے والی سبک خرام کو منسوخ کردیا گیا۔
اسی طرح لاہور اور راولپنڈی جانے والی دوسری ٹرین اسلام آباد ایکسپریس بھی بند کردی گی، لاہور سیالکوٹ جانے والی سیالکوٹ ایکسپریس اور نارووال پسنجر کو بھی منسوخ کردیا گیا ہے۔
علاوہ ازیں ریلوے حکام کا مزید کہنا تھا کہ دیگر ٹرینوں کے روٹس کو تبدیل کردیا گیا جس کی وجہ سے مسافروں کو اپنی منزل مقصود پر پہنچنے کے لیے بے حد پریشانی کا سامنا کرنا پڑ رہا ہے۔
