کراچی: (حنا اسلم) شہر قائد میں آج کہیں سورج کی تپش تو کہیں بادلوں کے ڈیروں نے موسم کو خوشگوار بنا دیا، صبح سویرے ہلکی بونداباندی نے شہریوں کو راحت بخشی۔
محکمہ موسمیات کے مطابق آج شہر میں مطلع زیادہ تر ابر آلود اور موسم مرطوب رہنے کا امکان ہے، شہر کا موجودہ درجہ حرارت 29 ڈگری سینٹی گریڈ، زیادہ سے زیادہ درجہ حرارت 31 سے 33 ڈگری سینٹی گریڈ کے درمیان رہے گا۔
موسم کا احوال بتانے والوں کا کہنا ہے کہ شہر میں مغربی سمت سے 15 کلومیٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 74 فیصد ریکارڈ کیا گیا ہے جبکہ شہر کے مختلف علاقوں میں بونداباندی کا بھی امکان ہے۔
