راولپنڈی: (دنیا نیوز) آئی ایس پی آر کے مطابق بحرین نیشنل گارڈ کے کمانڈر جنرل شیخ محمد بن عیسیٰ بن سلمان آل خلیفہ کی پاک فضائیہ کے سربراہ ایئر چیف مارشل ظہیر احمد بابر سدھو سے ملاقات ہوئی۔
پاک فوج کے شعبہ تعلقات عامہ کے مطابق ملاقات میں پائیدار دفاعی تعاون کے اپنے عزم کا اعادہ کیا، مشترکہ تربیتی اقدامات اور ہوا بازی کی صنعت میں گہرے تعاون پر خصوصی زور دیا گیا۔
آئی ایس پی ار کے مطابق چیف آف دی ایئر سٹاف نے معزز مہمان کا پرتپاک خیرمقدم کیا، مہمان کو پاک فضائیہ کی حالیہ پیشرفت کے بارے میں بریفنگ دی گئی۔
پاک فوج کے شعبہ تعلقات عامہ کے مطابق معزز مہمان کو پاک فضائیہ کی جانب سے انفراسٹرکچر کی ترقی کے لئے جاری مختلف منصوبوں سے آگاہ کیا گیا، مہمان کو تربیتی شعبے کی تشکیل نو اور جدید تکنیکی صلاحیتوں حاصل کردہ پیشرفت سے آگاہ کیا گیا۔
آئی ایس پی آر کے مطابق ایئر چیف ظہیر بابر سدھو نے کہا کہ تزویراتی اقدامات سے پاک فضائیہ کی آپریشنل صلاحیتوں کو مزید مستحکم کیا جائے گا، پاکستان اور بحرین کے مابین دیرینہ مذہبی اور تاریخی روابط استوار ہیں۔
سربراہ پاک فضائیہ نے کہا ہک دونوں ممالک کی افواج کے مابین بے مثال دفاعی تعاون کا مظہر ہیں، ملاقات میں دوطرفہ دفاعی تعاون بالخصوص تربیت، مشترکہ فضائی مشقوں اور تبادلہ علم کو مزید وسعت دینے کے اپنے عزم کا اعادہ کیا گیا۔
آئی ایس پی آر کے مطابق جنرل شیخ محمد بن عیسیٰ بن سلمان الخلیفہ نے بھارت کے خلاف حالیہ تنازع میں پاک فضائیہ کی شاندار کارکردگی کو سراہا، انہوں نے سربراہ پاک فضائیہ کو شاندار کارکردگی پر مبارکباد پیش کی۔
معزز مہمان نے اہلکاروں کی پیشہ وارانہ مہارت، آپریشنل تیاریوں اور غیر معمولی حوصلہ مندی کی تعریف کی، کمانڈر بحرین نیشنل گارڈ نے تربیتی شعبے میں تعاون کے فروغ کی اپنی دیرینہ خواہش کا اظہار کیا۔
