لاہور: (دنیا نیوز) پاکستان تحریک انصاف کے رہنما اعجاز چودھری کی نو مئی جلاؤ گھیراؤ کے تین مقدمات میں ضمانت کی درخواستوں میں بڑی پیشرفت ہوئی ہے۔
لاہور ہائیکورٹ نے اعجاز چودھری کی تین مقدمات میں ضمانتوں پر محفوظ فیصلہ سنا دیا، عدالت نے تین مقدمات میں ضمانتیں منظور کرنے کا حکم سنا دیا۔
جسٹس سید شہباز علی رضوی کی سربراہی میں دو رکنی بینچ نے سماعت کی، اعجاز چودھری کے وکیل میاں علی اشفاق دلائل مکمل کر لیے۔
پی ٹی آئی رہنما کے خلاف مسلم لیگ ن کا آفس جلانے، گلبرگ میں کنٹینر جلانے سمیت تین مقدمات درج ہیں۔
درخواست میں موقف اختیار کیا گیا کہ ٹرائل کورٹ نے حقائق کا درست جائزہ نہیں لیا، بانی پی ٹی آئی کی ضمانتیں اسی مقدمہ میں منظور ہو چکی ہیں۔
