اسلام آباد: (دنیا نیوز) صدر مملکت آصف علی زرداری کی لیفٹیننٹ کرنل جنید شہید کے گھر آمد، شہید کے اہلخانہ سے اظہار تعزیت کیا۔
صدر مملکت آصف علی زرداری نے شہید کے بلند درجات اور اہل خانہ کے صبر جمیل کی دعا کی، صدر مملکت نے لیفٹیننٹ کرنل جنید شہید کی خدمات کو خراج تحسین پیش کرتے ہوئے کہا کہ پاکستانی قوم فتنہ الخوارج دہشتگردوں کے ناپاک عزائم کو ناکام بنانے کیلئے متحد ہے۔
صدر آصف علی زداری کا کہنا تھاکہ قوم اپنے بہادر سپوتوں کی قربانیوں کو کبھی فراموش نہیں کرے گی، ملک میں امن کے قیام کیلئے شہدا کی قربانیاں سنہری حروف سے لکھی جائیں گی، وفاقی وزیر داخلہ محسن نقوی بھی صدر کے ہمراہ تھے۔
