اسلام آباد: (دنیا نیوز) نائب وزیراعظم اور وزیر خارجہ سینیٹر اسحاق ڈار نے سعودی عرب کے وزیر خارجہ شہزادہ فیصل بن فرحان سے ٹیلیفون پر رابطہ کیا۔
دفترِ خارجہ کے مطابق دونوں رہنماؤں کے درمیان ہونے والی گفتگو میں حالیہ علاقائی صورتِ حال، بالخصوص غزہ اور فلسطین کے معاملات پر تبادلہ خیال کیا گیا، خطے میں قیامِ امن اور استحکام کے لئے مشترکہ عزم کا بھی اعادہ کیا گیا۔
ترجمان کے مطابق دونوں وزرائے خارجہ نے باہمی دلچسپی کے اُمور پر قریبی رابطے میں رہنے پر بھی اتفاق کیا۔
