اسلام آباد: (دنیا نیوز) سپریم کورٹ نے سابق وفاقی وزیر شیریں مزاری کی بیٹی ایمان مزاری کی درخواست کل سماعت کیلئے مقرر کر دی۔
سپریم کورٹ کے جسٹس ہاشم کاکڑ کی سربراہی میں 3 رکنی بنچ درخواست پر سماعت کرے گا، جسٹس صلاح الدین پنہور اور جسٹس اشتیاق ابراہیم بھی بنچ میں شامل ہیں۔
ایمان زینب مزاری نے ٹرائل کورٹ کارروائی کے خلاف سپریم کورٹ میں درخواست دائر کی تھی۔
یاد رہے کہ ایمان مزاری اور ہادی علی چٹھہ نے اپنے خلاف متنازع ٹوئٹس کیس میں ڈسٹرکٹ اینڈ سیشن جج پر عدم اعتماد کا اظہار کیا تھا۔
