کراچی: (دنیا نیوز) سندھ اسمبلی کے اجلاس کے دوران سپیکر صوبائی اسمبلی اویس قادر شاہ نے صوبائی حکومت کی ترجمان کو ڈانٹ پلا دی۔
سپیکر سندھ اسمبلی اویس قادر شاہ کی زیر صدارت ہونے والے اجلاس میں ایم کیو ایم کی خاتون رکن قرۃ العین نے کہا کہ سمعتا افضال خود سندھ حکومت کی ترجمان ہیں۔
رکن سندھ اسمبلی قرۃ العین کا کہنا تھا کہ سمعتا افضال تو جوابدہ ہیں اور وہ ہی اسمبلی میں سوال کر رہی ہیں جس پر سمعتا افضال نے کہا کہ میں مشیر نہیں صرف ترجمان ہوں۔
سپیکر صوبائی اسمبلی نے رکن اسمبلی سمعتا افضال کو ڈانٹتے ہوئے کہا کہ آپ کس سے پوچھ کر کھڑی ہوئی ہیں؟ بیٹھ جائیں آپ۔
