لاہور: (روزنامہ دنیا) سرفرنگا جیپ ریلی میں ٹیم گارڈ کی شاندار کامیابی کے بعد فاتح ڈرائیورز پر لاکھوں روپے کے انعامات کی بارش کردی گئی۔
سرفرنگا جیپ ریلی کے فاتح ڈرائیورز کے اعزاز میں تقریب کا اہتمام، شاندار کاکردگی کا مظاہرہ کرنے والے فاتح ڈرائیورز پر لاکھوں روپے کے انعامات کی بارش کردی گئی۔ خواتین ڈرائیورز نے موٹر سپورٹس کو پر خطر قرار دیا تاہم انہوں نے کہا کہ خواتین کو اس کھیل میں ا پنا ہنر آزمانا چاہیے۔ سکردو کے مشکل ٹریک پر منعقد ہونیوالی 40 کلومیٹر طویل سرفرنگا جیپ ریلی میں ٹیم گارڈ کے ڈرائیورز نے شاندار کارکردگی دکھاتے ہوئے مختلف کیٹیگریز میں دس میڈلز حاصل کیے۔ گزشتہ روز فاتح ڈرائیورز کے اعزاز میں ٹیم کے سپانسرگارڈ گروپ نے تقریب کا اہتمام کیا۔
