بارسلونا: (دنیا نیوز) فٹبال پریمئر لیگ میں لیور پول نے ہڈرز فیلڈ کو پانچ صفر سے پچھاڑ کر دوبارہ ٹاپ پوزیشن سنبھال لی، سپر سٹار محمد صلاح نے شاندار دو گول کیے۔
فیورٹ ٹیم لیور پول کا ہڈرز فیلڈ سے میچ یکطرفہ ثابت ہوا، پہلے ہی منٹ کیٹا نے گول کر کے خطرے کی گھنٹی بجا دی، مانے اور پھر محمد صلاح کے ایک ایک گول نے پہلے ہاف میں سکور کو تین صفر تک پہنچا دیا۔
دوسرے ہاف میں غیر معروف ٹیم بھی دباؤ کا شکار رہی، مانے اور محمد صلاح کے گول نے پانچ صفر سے پچھاڑ دیا۔ لیور پول سٹارز کے سٹائلش گولز سے پرستار بھی بے حد محظوظ ہوئے۔
