اینفیلڈ: (دنیا نیوز) فٹبال کا ایک اور میچ پنلٹی شوٹ آؤٹس پر فیصلہ کن ثابت، لیور پول نے اعصاب شکن مقابلے کے بعد آرسنل کو ہرا کر ای ایف ایل کپ کوارٹر فائنل میں رسائی پا لی۔
اینفیلڈ میں فٹبال کا بڑا مقابلہ، ای ایف ایل پری کوارٹر فائنل میں لیور پول اور آرسنل آمنے سامنے، چھٹے منٹ اون گول کے آغاز سے میچ دلچسپ ہو گیا۔ انیسویں منٹ آرسنل کے گول نے حساب برابر کر دیا۔
تابڑ توڑ حملوں اور پانچ پانچ کے لیول سکور سے مقابلہ اعصاب شکن ہو گیا، پنلٹی شوٹ آؤٹ مرحلے سے دلوں کی دھڑکنیں تیز ہو گئیں، لیورپول نے آرسنل کو ہرا کر ایونٹ کے کوارٹر فائنل میں رسائی پائی۔ گول پوسٹ میں دیوار بننے والے کیپر ہیرو بن گئے، خوب خوشیاں منائیں۔
