برسلز: (ویب ڈیسک) بھارتی ٹینس کھلاڑی روہن بھوپنا اور ان کے نیدرلینڈز کے جوڑی دار میٹ وی میڈل کوپ یورپین اوپن ٹینس ٹورنامنٹ میں مردوں کے ڈبلز مقابلوں کےسیمی فائنل رائونڈ میں پہنچ گئے۔
فاتح جوڑی نے مردوں کے ڈبلز مقابلوں کے کوارٹر فائنل رائونڈ میں ڈین ایونز اورجونی اومارا پر مشتمل برطانوی جوڑی کو شکست دی۔اے ٹی پی کے زیر اہتمام یورپین اوپن ٹینس ٹورنامنٹ کے دلچسپ مقابلوں کا سلسلہ بیلجیم کے شہر اینٹورپ میں جاری ہے۔
مردوں کے ڈبلز مقابلوں کے کوارٹر فائنل رائونڈ میچ میں ابتدائی رائونڈ میچ میں بھارتی ٹینس کھلاڑی روہن بھوپنا اور ان کے نیدرلینڈز کے جوڑی دار میٹ وی میڈل کوپ نے شاندار کارکردگی کا مظاہرہ کرتے ہوئے ڈین ایونز اورجونی اومارا پر مشتمل برطانوی جوڑی کو سٹریٹ سیٹس میں 4-6 اور 1-6 سے شکست دے کر سیمی فائنل راؤنڈ کے لئے کوالیفائی کر لیا ، جہاں فاتح جوڑی کا مقابلہ نیدرلینڈز کی جوڑی سے ہوگا۔
