ریاض: (ویب ڈیسک) معروف امریکی گلوکار ڈی جے خالد اور سابق امریکی باکسر مائیک ٹائیسن نے عمرے کی سعادت حاصل کر لی۔
امریکی گلوکار ڈی جے خالد نے اپنے انسٹاگرام پر ایک جذباتی کیپشن کے ساتھ عمرے کی تصاویر شیئر کی ہیں۔ جس میں انہوں نے لکھا کہ جس لمحے میں مکہ میں داخل ہوا میری آنکھوں سے آنسو نکل آئے، یہ خوشی کے آنسو تھے، تمام عمر میں چاہتا تھا کہ مکہ جاؤں اور اللہ تعالیٰ کا شکر ادا کروں۔
ڈی جے خالد نے مزید لکھا کہ میں نے پوری دنیا کیلئے زیادہ سے زیادہ محبت، امن، مسرت، صحت اور حفاظت کی دعائیں کی ہیں۔
ایک الگ انسٹاگرام پوسٹ میں خالد نے امریکی باکسر مائیک ٹائیسن کے ساتھ تصویر شیئر کی ہے جو مکہ میں موجود ہیں، معروف امریکی باکسر مائیک ٹائیسن نے 1992 میں اسلام قبول کیا تھا۔
