دوحا : (ویب ڈیسک ) فیفا ورلڈ کپ 2022 کے چوتھے کواٹر فائنل میں فرانس نے انگلینڈ کو شکست دے کر میگا ایونٹ کے سیمی فائنل کیلئے کوالیفائی کرلیا۔
قطر کے البیت سٹیڈیم میں کھیلے گئے میگا ایونٹ کے چوتھے اور آخری کوارٹر فائنل میں فرانسیسی ٹیم نے انگلش ٹیم کو 1-2 سے شکست دے کر میگا ایونٹ سے آئوٹ کلاس کیا، انگلش کپتان نے پنالٹی کک پر گول کا موقع ضائع کیا۔
Another step closer to going Back-to-Back @equipedefrance | #FIFAWorldCup pic.twitter.com/L8JLZ8p8kC
— FIFA World Cup (@FIFAWorldCup) December 10, 2022
میچ کے دوران دونوں ٹیموں کی جانب سے بہترین کھیل کا مظاہرہ کیا گیا اور کھلاڑیوں نے ایک دوسرے کے گول پوسٹ پر متعدد حملے کئے۔
فرانس کی جانب سے کھیل کے 17 ویں منٹ میں اوریلین نے پہلا گول کر کے ٹیم کو برتری دلائی جبکہ انگلش کپتان ہیری کینن نے کھیل کے 54 ویں منٹ میں پینلٹی پر گول کر کے مقابلہ برابرکیا۔
فاتح ٹیم کے کھلاڑی اولیویئر گِیروڈ نے کھیل کے 78 ویں منٹ میں گول اسکور کر کے ٹیم کو ایک بار پھر برتری دلائی جو میچ کے اختتام تک برقرار رہی۔
