لندن : (ویب ڈیسک ) انگلش پریمیئر لیگ میں آرسنل کی فٹ بال ٹیم نے ایک بار پھر پہلی پوزیشن حاصل کرلی۔
پریمیئر فٹ بال لیگ کے دلچسپ مقابلوں کا سلسلہ انگلینڈ میں جاری ہے جس میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔
دفاعی چیمپئن مانچسٹر سٹی ایک درجہ تنزلی کے بعد پھر دوسرے نمبر پرآگئی ، انگلش پریمیئر لیگ میں میں اب تک کھیلے گئے میچز کے بعد آرسنل کی ٹیم ٹیبل پر 54 پوائنٹس کے ساتھ دوبارہ پہلے نمبر پر پہنچ گئی ہے ، دفاعی چیمپئن مانچسٹر سٹی کی ٹیم 52پوائنٹس کے ساتھ دوسرے نمبر پر ہے۔
لیگ میں 25 فروری کو دوباہ میچز شروع ہوں گے ، ای پی ایل میں اب تک کھیلے گئے میچز میں آرسنل کی ٹیم اب تک کھیلے گئے 23میچز میں سے 17 میں کامیابی کے بعد 54 پوائنٹس کے ساتھ دوبارہ پہلی پوزیشن پر پہنچ گئی ہے ۔
دفاعی چیمپئن مانچسٹر سٹی نے اب تک 24 میچ کھیل کر 16 میں کامیابی حاصل کی ہے اور وہ 52 پوائنٹس کے ساتھ دوسرے نمبر پر ہے ۔
مانچسٹر یونائیٹڈ کی ٹیم کے 49پوائنٹس ہیں جبکہ ٹوٹنہام ہاٹ پور 42 پوائنٹس ہیں، مانچسٹر یونائیٹڈ اور ٹوٹنہام ہاٹ پور کی ایک ایک درجہ ترقی پاکر بالترتیب تیسری اور چوتھی پوزیشن پر پہنچ گئی ہیں۔
نیوکیسل یونائیٹڈ کی دو درجہ تنزلی ہوئی ہے اور وہ تیسرے سے پانچویں نمبر پر چلی گئی ہے ، فلہم کی ٹیم 38 پوائنٹس کے ساتھ چھٹےنمبر پر ہے۔
برائٹن اینڈ ہوو البیون ، لیور پول اور برینٹ فورڈ کی ٹیمیں 35،35 پوائنٹس کے ساتھ بالترتیب ساتویں ،آٹھویں اور نویں نمبر پر جبکہ چیلسی کی ٹیم 31 پوائنٹس کے ساتھ دسویں نمبر پر موجود ہے۔
