لندن : ( ویب ڈیسک )انگلش پریمیئر لیگ ( ای پی ایل ) میں آسٹن ولا، برائٹن اینڈ ہوو البیون اور لیڈز یونائیٹڈ نے اپنے اپنے میچز میں کامیابی حاصل کر لی۔
کنگ پاور سٹیڈیم، لیسٹر کے مقام پر کھیلے گئے لیگ کے اہم میچ میں آسٹن ولا نے سخت مقابلے کے بعد لیسٹر سٹی کی ٹیم کو 1-2 گول سے ہرا دیا، فاتح ٹیم کی جانب سے برٹرینڈ اور واٹکنز نے ایک ایک گول سکور کیا۔
وائٹلٹی سٹیڈیم، بورنموتھ کے مقام پر کھیلے گئے میچ میں برائٹن اینڈ ہوو البیون نے بورن ماؤتھ کو 0-2 گول سے شکست دی، ایوان فرگوسن اور جولیو اینسیسو نے ایک، ایک گول کر کے اپنی ٹیم کی فتح میں اہم کردار ادا کیا۔
ایلنڈ روڈ، لیڈ ز میں کھیلے گئے تیسرے میچ میں لیڈز یونائیٹڈ نے سخت مقابلے کے بعد ناٹنگھم فاریسٹ کے خلاف ایک کے مقابلے میں دو گول سے کامیابی سمیٹی، جیک ہیریسن اورلوئس سینسٹیرا نے ایک، ایک گول سکور کیا۔
