لاہور : ( ویب ڈیسک ) اے ایف سی ویمنز اولمپک کوالیفائنگ ٹورنامنٹ میں پاکستانی فٹ بال ٹیم اپنا دوسرا میچ آج ہانگ کانگ کے خلاف کھیلے گی۔
اے ایف سی ویمنز اولمپک کوالیفائنگ ٹورنامنٹ کے دلچسپ مقابلوں کا سلسلہ ہسور سینٹرل سٹیڈیم، تاجکستان میں جاری ہے ، قومی ٹیم اپنا دوسرا میچ آج ہانگ کانگ کے خلاف کھیلے گی ۔
پاکستانی ٹیم کو ماریہ خان لیڈ کر رہی ہیں جبکہ دیگر کھلاڑیوں میں ملیکہ نور (نائب کپتان) عالیہ صادق، انمول ہیرا، اسرا خان، نقیہ علی، صنوبر عبدالستار ، زہمینہ ملک، علیزہ صابر، آمنہ حنیف، انوشے عثمان، ماروی بیگ، رامین فرید ، سوہا ہیرانی، مشال بھٹی، نزالیہ صدیقی، صاحبہ شیر دل، سارہ خان ، صوفیہ قریشی، فاطمہ ناز، نشا اشرف اور رومیسا خان شامل ہیں ۔
خیال رہے کہ پاکستانی ٹیم اپنا تیسرا اور آخری میچ 11 اپریل کو تاجکستان کے خلاف کھیلے گی۔
یاد رہے کہ ایونٹ کے پہلے میچ میں پاکستان کو فلپائن کے ہاتھوں شکست کا سامنا کرنا پڑا تھا۔
