استنبول : (ویب ڈیسک ) مانچسٹر سٹی نے پہلی مرتبہ یوئیفا چیمپئنز لیگ کا ٹائٹل اپنے نام کرلیا ۔
استنبول کے اولمپک اتاترک اسٹیڈیم میں کھیلے گئے فائنل میں مانچسٹر سٹی نے اطالوی کلب انٹر میلان کو ایک صفر سے شکست دی۔
فائنل میچ کا آغاز تیزی سے ہوا، انٹر میلان نے ابتدا میں حملے کیے مگر اُن کوکامیابی نہیں ملی، مانچسٹر سٹی نے کچھ وقت گزرنے کے بعد کھیل کا کنٹرول سنبھال لیا اور زیادہ تر گیند اپنے پاس رکھی لیکن وہ بھی گول کرنے میں ناکام رہے، وقفے پر مقابلہ بغیر کسی گول کے برابر تھا۔
دوسرے ہاف میں دونوں جانب سے حملے کیے گئے جس میں آخر کار کامیابی مانچسٹر سٹی کو ملی ، 68ویں منٹ میں روڈریگو ہرنانڈس نے گول کرکے ٹیم کو برتری دلادی۔
THIS MAN! #ManCity | #UCLfinal pic.twitter.com/lf4A0dcPsV
— Manchester City (@ManCity) June 10, 2023
نقصان میں جانے کے بعد انٹر میلان نے حملوں کی رفتار بڑھادی ،کھیل ختم ہونے سے ذرا پہلے انٹر میلان کے کھلاڑیوں نے خطرناک وار کیا مگر مانچسٹر سٹی کے گول کیپرایڈرسن نے اُسے ناکام بناکر میچ برابر نہ ہونے دیا۔
The 2022/23 champions of Europe, Man City #UCLfinal pic.twitter.com/Hw32TLLpFM
— UEFA Champions League (@ChampionsLeague) June 10, 2023
ریفری کی فائنل وسل کے ساتھ ہی مانچسٹر سٹی نے ایک صفر سے فتح سمیٹی اور پہلی بار یوئیفا چیمپئنز لیگ کا ٹائٹل جیت لیا، مانچسٹر سٹی اس سیزن میں انگلش پریمیئر لیگ اور ایف اے کپ کی ٹرافی بھی اپنے نام کرنے میں کامیاب رہی ہے۔
مانچسٹر یونائٹڈ کی جانب سے 1999 میں ایک ساتھ انگلش پریمیئر لیگ، ایف اے کپ اور چیمپئنز لیگ جیتنے کے بعد مانچسٹر سٹی تینوں ٹائٹل اپنے نام کرنے والی دوسری ٹیم بن گئی ہے۔
CHAMPIONS OF EUROPE!!! pic.twitter.com/n8dXDvOZyp
— Manchester City (@ManCity) June 10, 2023
دو سال قبل بھی مانچسٹر سٹی یوئیفا چیمپئنز ٹرافی کے فائنل میں پہنچنے میں کامیاب ہوئی تھی تاہم چیلسی کے مقابلے میں اسے شکست سے دوچار ہوناپڑا تھا۔
