لاہور: (ویب ڈیسک) پاکستان کی کامیاب ترین خاتون کوہ پیما نائلہ کیانی نے اگلی چوٹی سر کرنے کیلئے پیش قدمی شروع کر دی۔
نائلہ کیانی کی نظریں دنیا کی نیپال میں واقع تیسری بلند ترین چوٹی کینچن جونگا کو سر کرنے پر مرکوز ہیں جس کی بلندی 8,586 میٹر ہے، پاکستانی خاتون کوہ پیما کینچن جونگا کے بیس کیمپ کی جانب روانہ ہوگئی ہیں۔
پاکستان کی ٹاپ خاتون کوہ پیما 7 دن کی ٹریکنگ کے بعد کینچن جونگا کے بیس کیمپ پر پہنچیں گی۔
نائلہ کیانی اس ماہ کے آخر میں کینچن جونگا سر کرنے کیلئے پرعزم ہیں، کینچن جونگا نائلہ کیانی کی 8 ہزار میٹر سے بلند 12 ویں چوٹی ہوگی۔
یاد رہے کہ نائلہ کیانی 8 ہزار میٹر سے بلند 11 چوٹیاں سر کرنے والی واحد پاکستانی خاتون کوہ پیما ہیں۔
