کراچی: (ویب ڈیسک) کک باکسر عبداللہ چانڈیو نے کہا کہ عالمی اعزاز جیت کر ملک کاپرچم بلند کرنا چاہتا ہوں۔
دبئی میں منعقدہ ایپک کراٹے کمباٹ فائٹ جیت کر پاکستان کا نام روشن کرنے والے پروفیشنل کک باکسر عبداللہ چانڈیو نے کہا کہ دسمبر میں شیڈول فائٹ کے حوالے سے بھر پور تیاری کریں گے، انہوں نے قوم سے اپیل کی کہ ان کی کامیابی کے لیے دعا کی جائے۔
واضح رہے کہ عبداللہ چانڈیو نے دو مئی کو ہونے والی کے سی 54 ٹائٹل فائٹ میں اردن سے تعلق رکھنے والے مڈل ایسٹ کے نمبر ون علی القیسی کو شکست دے کر فتح اپنے نام کی تھی۔
