نیویارک: (ویب ڈیسک) یو ایس اوپن میں سپین کے ٹینس سٹار کارلوس الکاریز کے نئے ہیئر سٹائل کی دھوم مچ گئی۔
امریکی شہر نیویارک میں ہونے والے یو ایس اوپن کے پہلے راؤنڈ میں کارلوس الکاریز نے باآسانی جیت حاصل کی، الکاریز کے فینز نے نہ صرف کامیابی پر سراہا بلکہ ان کے نئے ہیئر سٹائل پر بھی حیرانگی کا اظہار کیا۔
دوسری جانب کارلوس الکاریز کی معروف گولفر روری میکلوری کے ساتھ ملاقات کے بھی چرچے ہورہے ہیں، ٹینس کورٹس پر معروف سپورٹس پرسنز گرم جوشی سے ملے، گپ شپ کی اور تصاویر بھی بنوائیں۔
اس موقع پر ٹینس اسٹار نے کہا کہ لیجنڈری گولفر روری میکلوری سے یہ میری پہلی ملاقات تھی اور میں انکا بہت بڑ فین ہوں، ان سے ملاقات میرے لیے اعزاز کی بات ہے اور انہیں گالف کھیلتے دیکھنا بڑا شاندار ہوتا ہے۔
