نیویارک: (ویب ڈیسک) یو ایس اوپن 2025 ٹینس گرینڈ سلیم کے دوران سٹار کھلاڑیوں کے مہنگے اور پرتعیش فیشن نے ناظرین کی توجہ اپنی جانب کھینچ لی۔
رپورٹ کے مطابق ورلڈ نمبر ون ارینا سبالانکا نے پہلے راؤنڈ کے میچ کے دوران خصوصی طور پر تیار کردہ جیولری پہنی جس کی درست قیمت کا تو علم نہیں لیکن ایک اندازے سے ان زیورات کی مالیت 2800 ڈالرز سے 13 ہزار 400 ڈالرز کے درمیان ہے۔
دوسری جانب جیسیکا پگولا نے سوئس برانڈ کی نایاب اور قیمتی گھڑی پہنی جس کی قیمت 90 ہزار ڈالرز ہے، اسی طرح اٹلی کے ابھرتے ہوئے ٹینس سٹار یانک سنر کے ہاتھ میں بھی ایک معروف برانڈ کا بیگ دیکھا گیا جس کی قیمت 2 ہزار امریکی ڈالرز ہے۔
گزشتہ ہفتے سارا ایرانی کے ساتھ یو ایس اوپن کا مکسڈ ڈبل ٹائٹل جیتنے والے اٹلی کے آندرے ویواسوری نے ٹرافی اٹھاتے وقت جیرالڈ چارلس ماسٹرو جی سی سپورٹس واچ پہنی ہوئی تھی جس کی قیمت 18 ہزار ڈالرز ہے۔
یہ تمام پرتعیش لوازمات یو ایس اوپن کے کھیل کے جوش کیساتھ ساتھ فیشن کی دنیا میں بھی اس ایونٹ کی اہمیت کو اجاگر کر رہے ہیں۔
