بیونس آئرس: (دنیا نیوز) پرولیگ کے پہلے مرحلہ میں شرکت کیلئے قومی ہاکی ٹیم ارجنٹائن پہنچ گئی۔
ایونٹ کا پہلا مرحلہ 9 سے 14 دسمبر تک جاری رہے گا، پاکستانی ٹیم ارجنٹائن اور ہالینڈ کے خلاف دو دو میچز کھیلے گی، گرین شرٹس کا پہلا میچ 10 دسمبر کو مضبوط حریف ہالینڈ کے خلاف شیڈول ہے۔
واضح رہے کہ پاکستان ہاکی ٹیم کے کپتان عماد بٹ ارجنٹائن روانگی سے قبل میڈیا سے گفتگو کرتے ہوئے کہا تھا کہ تیاری بڑی اچھی ہے، ہمارا سارا فوکس پرو ہاکی لیگ پر ہے۔
قومی ہاکی ٹیم کے کپتان کا کہنا تھا کہ اس طرح کے ایونٹس سے کھلاڑیوں کا مورال کافی بڑھتا ہے، ہر کھلاڑی بہتر سے بہتر کی کوشش کرتا ہے، ہمارا ٹارگٹ اس کے بعد ہونے والی پرو لیگ کیلئے کوالیفائی کرنا ہے، خامیوں کو دور کرنے کی بھرپور کوشش کی ہے۔
