سعودی خواتین آن لائن شاپنگ میں مردوں پر سبقت لے گئیں!

ریاض: (ویب ڈیسک) سعودی عرب میں ٹیلی کیمونیکیشن اتھارٹی کی طرف سے جاری کردہ ایک رپورٹ میں انکشاف کیا گیا ہے کہ سال 2018ء کے دوران سعودی خواتین نے مردوں کی نسبت آن لائن زیادہ خریداری کی۔

رپورٹ کے مطابق گذشتہ برس سعودیہ میں آن لائن شاپنگ کے تناسب میں اضافہ دیکھا گیا اور مجموعی طورپر 49 اعشاریہ 9 فی صد شاپنگ آن لائن کی گئی۔ اس کے مقابلے میں 2017ء میں آن لائن شاپنگ 47 اعشاریہ 90 اور 2016ء میں یہ شرح 37 اعشاریہ تین فی صد تھی۔

رپورٹ میں بتایا گیا ہے کہ گذشتہ برس آئن خریداری کرنےوالوں میں 51 اعشاریہ 7 فی صد خواتین اور 48 اعشاریہ چھ فی صد مرد تھے۔

رپورٹ کے مطابق 20 سے 24 سال کی عمر کے 10 ہزار صارفین نے آئن خریداری کی اور ٹیلی کام سروسز کا استعمال کیا۔ سعودی عرب میں اس عمر کے 65 اعشاریہ 20 فی صد شہری انٹرنیٹ کا استعمال کرتے ہیں۔ اس کے بعد 30 سے 34 سال کی عم کے 63 اعشاریہ 20 اور 25 سے 29 سال کی عمر نے افراد نے 61 اعشاریی 80 فی صد آن لائن خریداری کی۔

سعودی عرب میں مقامی سطح پر الجوف کے شہریوں بے سب سے زیادہ آئن لائن خریداری میں حصہ لیا جن کی کل تعداد 65 اعشاریہ 20 فی صد درج کی گئی۔ اس کے بعد حائل کے 62 اعشاریہ 90 فی صد اور مشرقی گورنری کے 55 اعشاریہ 20 فی صد شہریوں نے آن لائن خریداری کی۔

جہاں تک آن لائن خرید کی گئی اشیاء کا تعلق ہے تو سعودی عرب مں گذشتہ برس سب سے زیادہ ملبوسات کی آن لائن شاپنگ کی گئی۔ ملبوسات اور جوتوں کی آن لاین خریداری 69 اعشاریہ 70 ریکارڈ کی گئی۔ اس کےبعد الیکٹرانک کے آلات اور اسمارٹ فون 46۔ 90 فی صد خرید کئے گئے۔