لاہور: (ویب ڈیسک) سوشل میڈیا کی مشہور ویب سائٹ ٹویٹر نے مزید سخت نئی پالیسی متعارف کراتے ہوئے ناپسندیدہ پیغامات کے لیے نیا فلٹر متعارف کرا دیا ہے۔
غیر ملکی خبر رساں ادارے کے مطابق دو ماہ قبل اگست میں سوشل میڈیا کی مشہور ویب سائٹ ٹوئٹر نے ڈائریکٹ میسج فیچر کی پرائیوسی کو مدنظر رکھتے ہوئے فلٹر کی آزمائش شروع کی تھی اور واضح کیا تھا کہ موصول ہونیوالے ناپسندیدہ پیغامات مذاق نہیں ہیں۔
Unwanted messages aren’t fun. So we’re testing a filter in your DM requests to keep those out of sight, out of mind. pic.twitter.com/Sg5idjdeVv
— Twitter Support (@TwitterSupport) August 15, 2019
ٹویٹ کرتے ہوئے ٹوئٹر کا کہنا تھا کہ انہوں نے filter unwanted direct message یعنی ناپسندیدہ پیغامات کے لیے فلٹر کی آزمائش مکمل کرلی ہے جو آئی او ایس، اینڈرائڈ اور ویب تینوں ورژن میں شامل کیا گیا ہے۔
We tested, and turns out filters help you cut through the noise to find gems. Who knew. So we’re rolling out this filter to everyone on iOS, Android, and web!
— Twitter Support (@TwitterSupport) September 30, 2019
فرانسیسی خبر رساں ادارے اے ایف پی کے مطابق صارفین کسی بھی ناپسندیدہ پیغام کو نظر انداز کر سکیں گے اور فلٹر کی مدد سے صارف کو پتہ چل جائے گا کہ انہیں ڈائریکٹ میسج میں نازیبا، نفرت انگیز یا ایسا پیغام موصول تو نہیں ہوا جو ان کے لیے پریشانی کا باعث بن سکتا ہے۔
یاد رہے کہ اس سے قبل ٹوئٹر نفرت انگیز اور نازیبا تبصروں پر بھی پرائیوسی آپشن فراہم کر چکا ہے۔
