دبئی: (ویب ڈیسک) سیاحت کے حوالے سے دنیا کے سب سے بڑے ملک دبئی میں مختلف چوراہوں کے قریب سڑکوں پر ایک خاص قسم کی ڈیوائس نصب کی گئی ہے جسے دیکھ کر ہر کوئی پریشان ہو جاتا ہے۔
غیر ملکی خبر رساں ادارے کے مطابق دبئی میں سڑکوں پر خاص قسم کی ڈیوائس نصب کی گئی ہے۔ سرکاری حکام کے مطابق روڈ سیفٹی اینڈ ٹرانسپورٹ اتھارٹی کی جانب سے سڑک میں نصب کیے جانے والی خاص قسم کے چھوٹے سے آلے سے اکثر ڈرائیور حضرات پریشان ہیں۔
ٹوئٹر کے ذریعے ڈرائیور کی جانب سے سوال کیے جانے پر روڈ سیفٹی اینڈ ٹرانسپورٹ اتھارٹی کے عہدیدار نے واضح کیا ہے کہ اس خاص اور نئی ڈیوائس کا مقصد چوراہوں پر سے گزرنے والی گاڑیوں پر نظر رکھنا ہے۔
@rta_dubai what are these on the ground? #dubai pic.twitter.com/TLXzMctNcn
— Ahmed Zahir (@LilB_Twit) October 28, 2019
روڈ سیفٹی اینڈ ٹرانسپورٹ اتھارٹی کے مطابق اس کا مقصد گاڑیوں کی تعداد اور رفتار کا پتہ چلایا جائے گا اور گاڑیوں کے درمیان کتنا فاصلہ رکھا جاتا ہے، اس کے بارے میں بھی معلومات حاصل کی جائیں گی۔
نصب شدہ ڈیوائس اگر ایک دن کسی چوراہے پر نظر آئے گی تو اگلے دن اتار کر اس سے اعداد و شمار حاصل کیے جانے کے بعد کسی دوسرے چوراہے پر سڑک سے چپکا دی جاتی ہے۔
ٹریفک ماہرین کا کہنا ہے کہ ٹریفک کے لیے مزید بہتر منصوبے بنانے میں اس خاص آلے سے مدد حاصل کریں گے۔
