لاہور: (دنیا نیوز) پاکستان کی 9 سالہ ہونہار طالبہ نتالیہ نے بھارتی پروفیسر کا پیریاڈک ٹیبل بنانے کا عالمی ریکارڈ توڑ دیا ہے۔
نتالیہ کے والد حسن نجم کا کہنا ہے کہ ان کی بیٹی نے پیریاڈک ٹیبل ریکارڈ 2 منٹ 42 سیکنڈ میں مکمل کیا جبکہ بھارت کی کیمسٹری پروفیسر میناکشی اگروال نے 2 منٹ 49 سیکنڈ میں مکمل کیا تھا۔
نتالیہ نے 7 سیکنڈ کے فرق سے گنیز ورلڈ ریکارڈ اپنے نام کر لیا، جسے گنیز بک آف ورلڈریکارڈ کی انتظامیہ نے تصدیقی سند بھی عطا کر دی ہے۔
حسن نجم نے بتایا کہ نتالیہ کبھی سکول نہیں گئی، اس نے تعلیم کا سلسلہ گھر پر ہی جاری رکھا ہوا ہے اور وہ بائیوکیمسٹ بننا چاہتی ہے۔
