بیجنگ:(روزنامہ دنیا) چینی سائنسدانوں نے آرٹی فیشل انٹیلی جنس کو استعمال کرتے ہوئے ڈیجیٹل طالبہ تیار کی ہے جس کو مزید ریسرچ کیلئے یونیورسٹی میں داخل کروایا گیا ہے۔
میڈیا رپورٹ کے مطابق چین کے سائنسدانوں نے ایک مرتبہ پھر دنیا کو حیران کردیا، اس مرتبہ انہوں نے تاریخ میں پہلی مرتبہ مصنوعی ذہانت سے طالبہ کاایک ڈیجیٹل کردار تخلیق کیا ہے جسے سنگہوا یونیورسٹی میں داخل کرا دیا گیا ہے۔
اساتذہ کے مطابق ایک سال میں اس کا شعور 12 سالہ بچے جتنا ہوجائے گا، اس تمام اختراع کی پشت پر جدید ترین الگورتھم اور سافٹ ویئر ہیں جو اسے مسلسل سیکھنے میں مدد دیتے ہیں۔اس طالبہ کا نام ’’ہُوا ژائی بِنگ‘‘ رکھا گیا ہے جو اس وقت کمپیوٹر سائنس اینڈ ٹیکنالوجی پڑھ رہی ہے ،اس نے گزشتہ منگل کو پہلی کلاس لی ،اس کا پہلا سمسٹر ڈیٹاٹیکنالوجی کا ہے۔
