لندن: (دنیا نیوز) برطانوی ارب پتی بزنس مین اپنی ہی کمپنی کے جہاز میں خلا کی سیر کر آئے۔ ستر سالہ رچرڈ برینسن کمرشل سپیس شپ میں خلا کی سیر کرنے والے پہلے شخص بن گئے۔ انہوں نے اپنی کمپنی کے خلائی جہاز میں سپیس کا دورہ کیا۔
تفصیل کے مطابق رجرڈ برینسن اپنی کمپنی کے کمرشل سپیس فلائٹ پر خلا کا سفر کرنے والے پہلےشخص بن گئے ہیں۔
خیال رہے کہ پہلی بار ایک مختلف نوعیت کے خلائی جہاز میں کسی نے خلا کا سفر کیا ہے۔ سپیس شپ نے زمین سے اڑان نہیں بھری بلکہ ایک منفرد ڈیزائن والے جہاز نے سپیس شپ کو 44 ہزار فٹ کی بلندی پر جا کر ریلیز کیا جہاں سے خلائی جہاز راکٹ پاور انجن کے ذریعہ زمین کی سطح سے نواسی اعشاریہ نو کلومیٹر بلندی پر گیا۔
Welcome to the dawn of a new space age #Unity22 @virgingalactic pic.twitter.com/Rlim1UGMkx
— Richard Branson (@richardbranson) July 11, 2021
اونچائی پر پہنچ کر راکٹ پلین نے انجن کچھ لمحوں کے لئے بند کر دیا، جہاں سپیس شپ میں سوار افراد انتہائی کم کشش ثقل ہونے کے باعث ہوا میں تیرتے رہے۔
I have dreamt about this moment since I was a child, but going to space was more magical than I ever imagined https://t.co/Wyzj0nOBgX #Unity22 @virgingalactic pic.twitter.com/grs7vHAzca
— Richard Branson (@richardbranson) July 11, 2021
راکٹ نے چند لمحوں بعد واپسی کا عمل شروع کیا اور سپیس پلین خیریت کے ساتھ واپس لینڈ کرگیا۔ ٹیک آف سے لینڈنگ کے دوران کل ایک گھنٹے کا وقت لگا۔
سپیس شپ کو دو پائلٹس چلا رہے تھے جبکہ تین ٹیکنیکل ماہرین بھی ہمراہ تھے۔
Watch our #Unity22 spaceflight live @virgingalactic https://t.co/J2M2u4H2hP
— Richard Branson (@richardbranson) July 11, 2021
خیال رہے کہ رچرڈ برینسن نے 2004ء میں خلائی کمپنی ورجن گیلاٹک کی بنیاد رکھی تھی جس نے آخر کار 17 برس بعد پہلی کامیاب کمرشل سپیس فلائٹ مکمل کی۔
برطانوی بزنس مین نے کاروباری حریف جیف بیزوس کی خلائی کمپنی پر سبقت لے جانے کے لئے اچانک سپیس کاسفر کرنے کا اعلان کیا۔ جیف بیزوس نے بیس جولائی کو خلا کا سفر کرنے کا اعلان کیا ہے۔
It’s a beautiful day to go to space. We’ve arrived at @Spaceport_NM. Get ready to watch LIVE at 7:30 am PT | 10:30 am ET | 3:30 pm BST https://t.co/PcvGTmA661 #Unity22 pic.twitter.com/4KjGPpjz0M
— Richard Branson (@richardbranson) July 11, 2021
