لاہور:(ویب ڈیسک) پیغام رسانی کی دنیا کی سب سے بڑی ایپلی کیشن واٹس ایپ اپنے صارفین کی سہولت کو مد نظر رکھتے ہوئے آئے روز کوئی نہ کوئی نیا فیچر متعارف کرواتی رہتی ہے اور اب اسی تناظر میں صارفین کیلئے جدید فیچر لانے پر کام شروع کردیا گیا ہے۔
میٹا کی زیر ملکیتی ایپلی کیشن واٹس ایپ کے بارے اپ ڈیٹس دینے والی ویب سائٹ بیٹا انفو کی رپورٹ کے مطابق واٹس ایپ جلد ہی فیس بک کی طرح کور فوٹوز کا آپشن بیٹا ورژن استعمال کرنے والے صارفین کے لیے متعارف کروائے گا جس کے تحت پروفائل پر کور فوٹو لگائی جا سکے گی۔
رپورٹ کے مطابق یہ فیچر فی الحال واٹس ایپ کے بزنس اکاؤنٹس کے لیے متعارف کروایا جائے گا، اس سے صارفین کو اپنی پراڈکٹ کی نمائش میں آسانی ہو گی۔
.jpg)
خیال رہے کہ یہ فیچر سوشل میڈیا ایپس فیس بک اور ٹوئٹر پر کافی سال پہلے متعارف کرایا گیا تھا البتہ اب واٹس ایپ نے اس پر کام شروع کردیا ہے۔
ایپلی کیشن نے فیچر متعارف کرائے جانے کی حتمی تاریخ کا تو اعلان نہیں کیا گیا تاہم یہ ضرور بتایا گیا ہے کہ آنے والے چند ہفتوں میں صارفین کی اس فیچر تک رسائی ممکن ہوگی۔
نئے فیچر کے مطابق تصویر میں صارف پروفائل پر کیمرے کے نشان والے آپشن پر جاکر گیلری سے تصویر منتخب کرکے کور فوٹو پر لگا سکیں گے۔
