آئی فون 15 پرو کے ممکنہ ڈیزائن کی تصاویر سامنے آ گئیں

کیلی فورنیا : ( ویب ڈیسک ) آئی فون 15 سیریز کے پرو ماڈل کے ممکنہ ڈیزائن کی تصاویر سامنے آ گئیں۔

ایپل کے حوالے سے خبروں اور افواہوں کی تفصیلات جاری کرنے والی ویب سائٹ 9to5mac نے آئی فون 15 پرو کے تصویری خاکے جاری کیے ہیں جن سے پتا چلتا ہے کہ آئی فون 15 پرو میں ٹائٹینئم فریم استعمال کیا جائے گا۔

آئی فون 15 پرو اور پرو میکس میں پیری سکول زوم کیمرے بھی دیے جانے کا امکان ہے اور ان دونوں فونز کے کیمروں میں ایک نئی سنسر ٹیکنالوجی بھی متعارف کرائی جا سکتی ہے جو زیادہ روشنی کو جذب کرنے کی صلاحیت رکھتی ہوگی۔

ایپل کی جانب سے آئی فون 15 سیریز میں چارجنگ کے لیے یو ایس بی ٹائپ سی پورٹ دیے جانے کا امکان ہے جس کا مطالبہ صارفین کافی عرصے سے کر رہے ہیں۔

واضح رہے کہ ایپل کے نئے آئی فون ماڈلز ستمبر میں متعارف کرائے جائیں گے۔