کراچی: (ویب ڈیسک) پاکستانیوں نے ایک سال کے دوران گوگل سے حیران کن کمائی کی۔
گوگل پاکستان کے کنٹری ڈائریکٹر فرحان قریشی نے نجی ٹی وی کو بتایا کہ پاکستان میں گوگل کے ذریعے ایک سال کے دوران ایک ہزار ارب روپے کا کاروبار ہوا، صارفین نے 210 ارب روپے کی ٹرانزیکشنز کیں۔
انہوں نے بتایا کہ گوگل سے سالانہ 4 لاکھ 10 ہزار روزگار کے مواقع پیدا ہو رہے ہیں، پاکستان میں 350 کانٹینٹ کری ایٹر ہیں جن کے سبسکرائبر کی تعداد 10 لاکھ تک ہے، پاکستان میں بننے والا کانٹینٹ ملک سے باہر بھی دیکھا جا رہا ہے، ان کی 50 فیصد ویوور شپ پاکستان سے باہر ہے۔
فرحان قریشی کا کہنا تھا کہ رواں سال پاکستانی یوٹیوب اور گیمنگ کے شعبوں میں بھی چھائے رہے، 5 سال میں گیمز سٹوڈیو میں 100 گنا اضافہ ہوا، 1600 گیمز سٹوڈیو ڈویلپ ہوچکے ہیں، 5 ہزار 400 یوٹیوب چینل ہیں جن کی سبسکرائبر ایک لاکھ ہے۔
