کیلیفورنیا: (ویب ڈیسک) خلائی سٹیشن پر پھنسے خلابازوں کی 9 ماہ بعد زمین پر واپس لانے کی تیاریاں کی جانے لگیں۔
ناسا کے خلاباز بیری بوچ ولمور اور سنیتا ولیمز جنہوں نے گزشتہ سال جون میں بین الاقوامی خلائی سٹیشن (آئی ایس ایس) کا سفر کیا تھا اوروہیں پھنس گئے تھے۔
اب نوماہ کے طویل قیام کے بعد زمین پر واپسی کی تیاری کر رہے ہیں، آئی ایس ایس سے ایک پریس کانفرنس میں، ولمور اور ولیمز نے زمین پر واپس آنے کی اپنی توقع کا اظہار کیا۔
ناسا کے مطابق خلا بازوں نے اس جگہ کو چھوڑنے کے بارے میں پرانی یادوں کا بھی اظہار کیا جس میں انہوں نے اتنا طویل عرصہ گزارا۔
یہ مشن گزشتہ موسم گرما میں اس وقت شروع ہوا جب ولموراور ولیمزنے آئی ایس ایس کا سفر کیا، کیپسول میں خرابی پیدا ہوگئی جس کی وجہ سے ناسا نے خلابازوں کی حفاظت کو ترجیح دی۔
خیال رہے کہ ہند نژاد امریکی خلاباز سنیتا ولیمز اور امریکی خلاباز بیری بوچ ولمور اور دو انجینئر نے 5 جون کو بوئنگ کے سٹار لائنر کیپسول سے خلائی سٹیشن کیلئے روانہ ہوئی تھیں، سبھی کو 13 جون 2024 کو واپس آنا تھا۔
