مظفرآباد: (دنیا نیوز) آزاد جموں و کشمیر میں ڈینگی وائرس کے مزید 79 مریضوں میں تصدیق ہوئی ہے جس کے بعد متاثرہ مریضوں کی مجموعی تعداد 460 تک پہنچ گئی ہے۔
ڈینگی کنٹرول روم کے مطابق مظفرآباد میں 254، باغ میں 77، میرپور میں 88، جہلم ویلی میں 4، نیلم ویلی میں 9، سدھنوتی میں ایک، حویلی میں 5، پونچھ میں 16 اور بھمبر میں 3 کیسز رپورٹ ہوئے ہیں۔
ترجمان ڈینگی کنٹرول روم کے مطابق مختلف ہسپتالوں میں 20 مریض زیر علاج ہیں جبکہ 113 مریض صحتیابی کے بعد گھر منتقل کر دیئے گئے ہیں۔
