واشنگٹن: (روزنامہ دنیا) امریکہ کے ایئر فورس بیس پر دلچسپ صورتحال اُس وقت دیکھی گئی جب ایک مگر مچھ رن وے پر آزادی سے گھومتا دکھائی دیا۔یہ مناظر امریکی ریاست فلوریڈا کے ایئر فورس بیس پر دیکھے گئے۔
دیوہیکل مگرمچھ رن وے پر چہل قدمی کر رہا تھا جس کے باعث پائلٹ نے جہاز رن وے پر روک دیا۔ یوں رن وے پر آزادی سے گھومتے مگرمچھ کی وجہ سے جہاں فلائٹ تاخیر کا شکار ہوئی وہیں وہاں موجود افراد اس منظر کو اپنے کیمرے میں قید کرنے لگے جبکہ کچھ لوگ خونخوار مگرمچھ کو یوں آزادی سے گھومتا دیکھ کر خوفزدہ ہوگئے۔
