کیلیفورنیا: (ویب ڈیسک) امریکہ کی ریاست کیلیفورنیا میں مجرموں پر نظر رکھنے کے لیے اسٹریٹ روبو کوپ متعارف کرا دیا گیا۔
غیر ملکی خبر رساں ادارے کے مطابق امریکی ریاست کیلیفورنیا کی پولیس کی جانب سے ایسا روبو کوپ متعارف کرایا گیا ہے جو پولیس اہلکار کے طور پر فرائض انجام دے گا اور مجرموں کی نگرانی کرے گا۔
Huntington Park police to deploy @HPRoboCop to monitor public areas https://t.co/oNhopT2tnJ pic.twitter.com/Y1Ow65KHc4
— KTLA (@KTLA) June 18, 2019
خبر رساں ادارے کے مطابق پولیس روبوٹ پارکس اور عمارتوں کے اطراف پرآنے والے افراد کا چہرہ اسکین کر کے مشتبہ افراد کو پکڑ نے اور قانون کی خلاف ورزی کرنے والوں پر نظر رکھے گا۔ حکام کی طرف سے روبوٹ شہر کے سیاحتی مقام پر تعینات کئے گئے ہیں۔
اس پولیس روبوٹ میں کیمرہ لگا ہوا ہے جو 360 ڈگری کی تصاویر لے گا اور معلومات ایپ کے ذریعے قریبی تھانے میں موجود پولیس اہلکار کو موصول ہوں گی۔
خبر رساں ادارے کے مطابق اس اقدام سے مجرموں کی طرف سے قوانین کی خلاف ورزی کرنے والے افراد کو قانون کی گرفت میں رکھا سکے گا اور جرائم بھی کنٹرول ہو سکیں گے۔
