بیجنگ: (ویب ڈیسک) چین میں لکی نمبر کے شوقین صارف نے 3 لاکھ 25 ہزار ڈالر میں مخصوص موبائل نمبر خرید کر سب کو حیران کر دیا۔
میڈیا رپورٹ کے مطابق چین میں 8 کے ہندسے کو خوش قسمتی کی علامت سمجھا جاتا ہے، آن لائن نیلامی کے دوران موبائل نمبر کی 15 ہزار بولیاں لگائی گئیں تاہم چینی باشندے نے سب سے زیادہ بولی لگا کر موبائل نمبر اپنے نام کر لیا۔ اس موبائل نمبر کی بولی 3 لاکھ 25 ہزار ڈالر لگائی گئی جو 5 کروڑ پاکستانی روپے کے لگ بھگ بنتی ہے۔ موبائل نمبر کی خاص بات اس کے آخر میں مسلسل 5 بار 8 کا ہندسہ آیا، چینی زبان میں اگر 8 کا ہندسہ لکھا جائے تو وہ انگریزی لفظ خوشحالی سے ملتا جلتا ہے۔
اسی لئے اس موبائل نمبر کو خریدنے کیلئے چینی باشندوں نے گہری دلچسپی لی، یہ مہنگا ترین نمبر خریدنے والے صارف کو 10 دن میں رقم ادا کرنے کا پابند کیا گیا ہے ورنہ دوسری صورت میں وہ خوش قسمتی کے نمبر کی ملکیت کھو دے گا۔
