لاہور: (روزنامہ دنیا) بلی اور کتوں کی لڑائی کی کہانیاں تو آپ نے ہمیشہ سے سنی ہوں گی اورانہیں ایک دوسرے کا ازلی دشمن بھی سمجھا جاتا ہے مگر اب ان کی دوستی کے قصے بھی مشہور ہونے لگے ہیں۔
میڈیا رپورٹ کے مطابق سوشل میڈیا پر تیزی سے وائرل ہونے والی ایک ویڈیو میں نظر آنے والی بلی اپنے ازلی دشمن کتے کی پیٹھ پر بیٹھ کر آرام سے سیر کررہی ہے، مختلف سڑکوں پر کتے کی پیٹھ پر بیٹھ کر سیر کرنے والی اس بلی کی ویڈیو کو سوشل میڈیا صارفین نے بے انتہا پسند کیا ہے۔
بلی اور کتے کی یہ سیر دنیا بھر میں دیکھی اور پسند کی جارہی ہے تاہم ویڈیو شیئر کرنے والے نے یہ نہیں بتایا کہ یہ واقعہ کس ملک یا شہرمیں ہوا ہے۔ اس واقعے سے انسان کو بھی سبق ملتا ہے کہ اپنی رنجشوں کو بھلا کر دوسروں سے امن و سکون سے رہیں اور دنیا کو پیار و محبت کا گہوارہ بنا دیں، جب جانور جن میں عقل نہیں ہوتی یہ کام کر سکتے ہیں تو عقل و شعور کا حامل انسان کیوں نہیں ایسا کر سکتا۔
