نئی دہلی: (ویب ڈیسک) بھارت سے ایک انوکھی خبر نے سب کو حیران کر ڈالا ہے، جہاں پر نئے نویلے جوڑے کو تحفے میں پٹرول دیا گیا۔
دنیا کے دیگر ممالک کی طرح بھارت میں بھی پٹرول کی بڑھتی قیمتوں نے شہریوں کو پریشان کررکھا ہے اس لیے تامل کامیڈین کی جانب سے بھارت سے تعلق رکھنے والے نئے نویلے جوڑے کو تحفے میں پٹرول دیا گیا۔
بھارتی میڈیا پر تامل کامیڈین مائل سیمی کی چند تصاویر شیئر کی گئی ہیں جس میں کامیڈین شادی کی تقریب کے دوران سٹیج پر نئے نویلے جوڑے کو پٹرول کے 2 چھوٹے گیلن بطور تحفہ دیتے دیکھے جاسکتے ہیں۔
Comedian #Mayilsamy gave #Petrol as a gift to newly wed couple. pic.twitter.com/N3n3xGt2Li
— Manobala Vijayabalan (@ManobalaV) August 16, 2021
بھارتی میڈیا کے مطابق مائیل سیمی نے دُلہا دُلہن کو 5 لٹر پٹرول تحفے میں دے کر دراصل بھارت میں پٹرول کی بڑھتی ہوئی قیمتوں پر تشویش کا اظہار کیا ہے۔
