ٹیکساس: (ویب ڈیسک) مشہور ڈبلیو ڈبلیو ای کے ریسلر انڈرٹیکر کی ایک ویڈیو بہت مقبول ہو رہی ہے، اس میں سے وہ ساحل پر کھڑے ہیں اس کے شفاف پانی میں ایک چھوٹی شارک ان کے پاس گھوم رہی ہے اور انڈرٹیکر کسی خوف کے بجائے اطمینان سے کھڑے اسے دیکھ رہے ہیں۔
یہ ویڈیو ان کی بیگم مشیل مک کول نے ریلیز کی ہے جسے ’میرا محافظ‘ کا نام دیا گیا ہے، اس ویڈیو میں ان کی بیگم ساحل کے پاس موجود ہیں جبکہ ان سے تھوڑی دور انڈرٹیکر پانی میں کھڑے ہیں اور شارک ان کے اردگرد گھوم رہی ہے۔
اس پر ایک صارف نے تبصرہ کیا ہے کہ اس سیارہ زمین پر کوئی شے نہیں جو ان (انڈرٹیکر) سے الجھ سکے۔
except it was real…..but just a big, beautiful nurse shark…not that my sweet @undertaker knew that when he came out! #myprotector @SKWrestling_ pic.twitter.com/syaeXWeFa3
— McCool (@McCoolMichelleL) July 9, 2023
واضح رہے کہ 58 سالہ مشہور ریسلر نہایت اطمینان کے ساتھ وہاں کھڑے دکھائی دیتے ہیں جبکہ شارک جھپٹ کر کسی بھی وقت حملہ کر سکتی ہے، دنیا بھر کے ساحلوں پر شارک عام افراد پر حملہ کر کے انہیں زخمی یا موت سے ہمکنار کر چکی ہیں۔
انڈرٹیکر کا اصلی نام مارک کیل اوے ہے، ان کی بیگم نے بعد میں انکشاف کیا کہ یہ نرس شارک ہے جو عموماً حملہ نہیں کرتی، تاہم اس وقت انہیں اور ان کے شوہر کو اس کا کچھ بھی علم نہ تھا۔
