کیلیفورنیا: (ویب ڈیسک) ایک امریکی کاشتکار نے 1246.9 کلو وزنی کدو اگا کر 50 ویں سالانہ چیمپئن شپ جیتتے ہوئے دنیا کا سب سے وزنی کدو اگانے کا عالمی ریکارڈ قائم کر دیا۔
امریکی ریاست مِنیسوٹا سے تعلق رکھنے والے ٹریوس گیئنگر نے کیلیفورنیا میں منعقد ہونے والے مقابلے میں مائیکل جورڈن نامی کدو پیش کرتے ہوئے تیسری بار ٹائٹل اپنے نام کیا۔
گیئنگر کے ماضی میں اگائے گئے کدوؤں نے ملکی سطح پر ریکارڈ بنائے لیکن اس بار ان کی کوشش نے سب سے وزنی کدو کا گینیز ورلڈ ریکارڈ اپنے نام کرلیا، اس سے قبل یہ ریکارڈ اطالوی کاشتکار اسٹیفنو کٹروپی نے 2021 میں 1225.6 کلو وزنی کدو اگا کر ریکارڈ بنایا تھا۔
