نیویارک: (ویب ڈیسک) نیویارک کی ایک لائبریری کو 9 دہائیوں بعد اپنی کتاب واپس مل گئی۔
امریکی میڈیا رپورٹ کے مطابق جوزف کونریڈ کی کتاب یوتھ اینڈ ٹو ادر اسٹوریز کو 1933 میں لارخماؤنٹ پبلک لائبریری نے جاری کیا تھا۔
جولائی میں ریاست ورجینیا سے جونی مورگن نامی خاتون نے لائبریری سے رابطہ کیا اور بتایا کہ انہیں سوتیلے باپ کے سامان سے یہ کتاب ملی ہے، جونی نے ستمبر کے آخر میں لارخماؤنٹ لائبریری کو کتاب واپس بھجوا دی، یہ 1925 کی شائع شدہ کتاب ہے۔
دلچسپ بات یہ ہے کہ لائبریری نے لیٹ فیس کے طور پر صرف 5 ڈالر جرمانہ وصول کیا۔
لارخماؤنٹ لائبریری کے قیام کے بعد سے اب تک یہ پہلا موقع تھا کہ اتنے طویل عرصے تک کوئی کتاب لائبریری کو واپس نہ کی گئی ہو۔
واضح رہے کہ جمی ایلس نامی شخص نے لائبریری سے کتاب نکلوائی تھی، 1978 میں اس کا انتقال ہوگیا تھا۔
