یوہانگ: (ویب ڈیسک) چین سے تعلق رکھنے والا شخص نے اپنی گرل فرینڈ سے بریک اپ کے بعد انتہائی افسردگی کی حالت میں پہاڑوں پر بسیرا کر لیا۔
غیرملکی میڈیا کے مطابق پولیس نے بتایا ہے کہ یہ واقعہ اس وقت منظر عام پر آیا جب انہیں جنوب مشرقی چین کے صوبے کے شہر یوہانگ ڈسٹرکٹ سے ایک شخص کی کال موصول ہوئی جس نے بتایا کہ اس کا چھوٹا بھائی Xiaolin تین دن سے لاپتا ہے۔
اس کے بعد پولیس Xiaolin کے فلیٹ پر پہنچی جہاں فلیٹ کو خالی اور فون کو بھی گھر میں ہی پایا، پولیس نے سی سی ٹی وی کی مدد سے Xiaolin کو تلاش کرنے کی کوشش کی جس سے معلوم ہوا کہ وہ پیدل نکل کر دلانگ کے پہاڑی علاقوں کی جانب گیا ہے۔
میڈیا رپورٹس کے مطابق Xiaolin کی تلاش کیلئے 100 سے زائد پولیس اہلکاروں کی مدد حاصل کی گئی جبکہ ڈرونز اور سراغ رساں کتوں سمیت ٹیکنالوجی کا استعمال بھی کیا گیا لیکن ناکامی کا سامنا رہا تاہم 26 جون کو Xiaolinکو کیمرے کی آنکھ میں پھٹے پرانے کپڑوں میں دیکھا گیا۔
Xiaolin نے ریسکیو کے بعد پولیس کو بتایا کہ اس کا حال ہی میں بریک اپ ہوا تھا اور وہ اپنی گرل فرینڈ کو بھلانے کی کوشش کر رہا تھا اور اسی لئے پہاڑوں کی طرف اپنے دماغ کو پرسکون کرنے کیلئے نکل گیا تھا۔
انہوں نے مزید بتایا کہ اس نے جنگل میں 6 دن گزارے، ابتدائی 3 دن کچھ نہیں کھایا تاہم بعد میں جنگل میں موجود پھل اور ندی کا پانی پی کر دن گزارے۔
Xiaolin کی یہ سٹوری سوشل میڈیا پر کافی وائرل ہورہی ہے جس پر صارفین کی جانب سے مختلف تبصروں کا سلسلہ جاری ہے۔
